الثلاثاء، 7 فبراير 2012

يا لحمام فالهوا طاير بقلم:سميرة كريش | دنيا الرأي



يا لحمام فالهو طاير

شوفي حبيب قلبي كيف داير

سوليه واش بخير

واش مشتاق لية

كما انا مشتاقة ليه

كثر من دقة قلبو

راه حبو

خلا قلبي يفكر فيه و حاير

قولي ليه غير يتوكل على الله

حياتي و روحي معاه

و اللي جاي من عمري

و الماضي من عمرنا سنين ينساه

مشى هو مشيت انا

من بعدنا ما شفنا الراحة و لا الهنا

يا حمام دعي معانا لمولانا

و هزي كفك للسما

كما ربي سقا الارض الما

ييسهل لينا ربي

يكون شريك حياتي

وكل علاقاتي

جنبي وكلو عمري نفديه

هاد سنين ما نسيتو

اول حب حب فحياتي


ياربي نعشيو انا واياه


مثل الحجبان فوق العينين


ان شاء الله

سميرة كريش مدينة الحاجب